Отрывки из Новгородской первой летописи младшего извода

Временник, еже есть нарицается летописание князей и земля Руския, и како избра бог страну нашу на последнее время, и грады почаша бывати по местом, преже Новгородчкая волость и потом Кыевская, и о поставлении Киева, како во имя назвася Кыев.

Якоже древле царь Рим, назвася и во имя его город Рим; и паки Антиох, и бысть Антиохиа великаа; и паки Селевки, и бысть Селеикиа; и паки Александри, и бысть и имя его Александриа; и по многая места тако проз вани быша грады в имена царей тех и князей тех: тако жив нашей стране зван бысть град великим князем во имя Кия, его же нарицают тако перевозника бывша; иней же: ловы деяше около города. И тако бо есть промысл божий, еже яве в последня: куда же древле погании жряху бесом на горах, ныне же паки туды святыя церкви златоверхий каменозданныя стоят, и монастыреве велицы поставлени быша, и черноризец в них исполнено бысть, безпрестане славяще бога в молитвах, в бдении, в посте и в слезах, их же ради молитв мир стоит. Аще бо к святым сыи прибегнем, церквам, тем велику ползу пршшет души и телу. Мы же паки на исследование возвратимся, глаголюще сице о начале Русьския земля и о князех, како откуда быша. Вас молю, стадо христово, с любовию приклоните уши ваши разумно: како быша древний князи и мужие их, и како отбараху Руския земле, и ины страны придаху под ся; теи бо князи не збираху многа имевия, ни творимых вир, ни продаж въскладаху люди; но оже будяше пра­вая вира, а ту возмя, дааше дружине на оружье. А дружина его кормяхуся, воююще ины страны и бьющеся и ркуще: «братие, потягнем по своем князе и по Рускои земле»; глаголюще[16]: «мало есть нам, княже, двусот гривен». Они бо не складаху на своя жены златых обручей, но хожаху жены их в сребряных; и роеплодили были землю Руськую. За наше несытоство навел бог на ны поганыя, а и скоты наши и села наша и имения за теми суть, а мы своих злых дел не останем. Пишет бо ся: богатество неправдою сбираемо извеется. И паки: сбирает, и не весть, кому сбирает я. И паки: луче малое праведнику, паче богатьства прешяых многа. Да отселе, (братия моя возлюблен а я, останемся от несытьетва своего, нь доводки будете урокы вашими, яко и Павел пишет: емуже дань, то дань емуже урок, то урок; никому же насилья творяще, ммлоетйнею оцветуще, страннолюбием, в страее божий и правоверии свое спасение сдевающи, да и зде добре (поживем) и тамо вечнеи жизни причаетьници будем. Си же таковая. Мы же от начала Рускы земля до сего лета и все по ряду известьно да скажем, от Михаила цесаря до Александра и Исакья.[17]

В лето 6430. Иде Олег на Грекы и прииде к Цесарю-граду; и Греци замкоша Съсуд, а град затвориша. И вълез Олег, и повеле изъвлещи корабля на брег, и повоева около града, и много убийство створиша Греком, и разбиша многы полаты и церкви. И повеле Олег воем своим колеса изделати и въставити корабля на колеса. И бывъшю покошу ветру, и въспяша пре, и с по­ля идоша ж праду. И увидевше же, убожшася Греци, и реша, выелавше к Олъгови: «не погубляи града; имемъся по дань, якоже хощеши». И исъстави Олег воя; и внесоша ему брашно и вино, и не прия его, бе бо устроено с отравою. И убояшася Гречи, и реша: «несть се Олег, нь святыи Дмитрии послан от бога на ны». И заповеда Олег дань даяти на 100, 200 корабль, по 12 гривне на человек, а в корабль по сороку муж. Сам же взя злато и паволокы, и возложи дань, юже дають и доселе князем рускым. И рече Олег: «шиите пре паволочите Руси, а Словеном кропинны»; и бысть тако. Повеси щит свои в вратех, показая победу; и пои-де от Цесаряграда. И воспяша пре Русь паволочитыя, а Словене кропинныя; и раздра ветр кропинныя. И ре­ша Словене: «имейся своих толстинах; не даны суть Словеном пре». Прииде Олег к Кыеву и ко Игорю, несыи злато и паволокы и вино и овощь. И прозваша и Олга вещии; и бяху людие погани и невегласи. Иде Олег к Новугороду, и оттуда в Ладогу. Друзии же сказають, яко идущю ему за море, и уклюну змиа в ногу, и с того умре; есть могыла его в Ладозе.

В лето 6453. В то же лето ркоша дружина ко Игореве: «отрочи Свеньлжи изоделися суть оружием и пор­ты, а мы нази; а пойди, княже, с нами на дань: а ты добудеши, и мы». И послуша их Игорь, иде в дань, и насиляше им и мужи его; и возмя дань, поиде в свои град. Идущу же ему въспять, размыслив, рече дружине своей: «идете с данью домов, а язь воввращута и похожю еще». И пусти дружину свою домове, с малою дружиною възратися, желая болшаго имени а. Слышавше Древляне, яко опять идет, сдумавше же Древляне с кня­зем свои Малом: «аще оя волк в овця ввадит, то вы носит все стадо, аще не убиют его; тако и сей, аще его не убием, то все ны погубит». И послаша к нему, глаголюще сице: «почто идеши опять; поймал еси всю дань». И не послуша Игорь; и изшедше Древляне из града Корестеня противу, и убиша Игоря и дружину его: бе бо их мало..И погребоша Игоря; и есть могыла его близ града Коростеня в Древех и до сего дни. А Олга же бяше в Киеве с сыном своим детьском Святославом, и кормилець его Асмуд, и воевода бе Свеньделдь, тът же отець Мьетишин. Реша же к себе Древляне: «се князя убихом рускаго; поимем жену его Олгу за князь свои Мал, и Святослава, и створим ему, якоже хотеть». И послаша Древляне лучьших муж, числом 20, в лодьи к Олзе, и присташа под Бирмчевом, бе бо тогда вода текущи подле горы Кыевьекыя, и на поле не седаху людие, нь на горе; град же бяше Киев, идеже есть ныне Гродятин и Никифоров двор, а княжь бяше двор во граде, идеже есть дыне двор Воротиславль и Чюдин; а первее сице бе вне града двор другыи, бе бо ту терем камен. И поведаша Олзе, яко Древляне приидоша, и возва я Олга к собе, и рече им: «добре приидоша гостье». И рече Олга: «да глаголете: что ради приидосте семо». Реша же Древляне: «посла нас Деревьская зем­ля, ркуще сице: мужа твоего убихом, бяше бо муж твои акы волк, восхыщая и грабя; а наши князи добри суть, расплодили землю нашю. И пойди за князь наш за Мал: бе бо имя князю нашему деревьскому Мал». Рече же им Олга: «люба ми есть речь ваша, уже мне своего мужа не въскресити; нь хошу вы почтити наутрия пред людьми своими, а ныне идете в лодыо свою и лязите в лодьй, величающеся; и аз заутра пошлю по вас, вы же, величающеся, рцете: не идем на конех, ни пеши идем, но понесете ны в лодьи». И отпусти я в лодьи. И Олга же повеле иекопати яму велику и глубоку на дворе теремьетем. вне града. И заутра Олга, седящи в тереме посла по гости. И приидоша к ним, глаголюще: «зоветь вы Олга на честь велику». Они же реша: «не идам на «онех, ни на возех, нь по­несете ны в лодьи». И реша кыяне: «неволя есть нам; князь наш убиен бысть, а княгыне наша хощеть за ваш князь»; и понесоша я в лодьи. Оне же седяще и гордящеся в великих перегбех и сустугах. И пакы принесоша я на двор к Олзе, и абие въринуша в яму и с лодьею. И Олга съшедши к ним и приникъши, виде и рече им: «вы есте послове Деревьскои земли и приидосте к нам от своего князя Мала; добра ли вы есть честь». Они же реша: «пущи нам бысть Игореве смер­ти». И княгыне Олга повеле засыпати их живых; и абие засыпаша их. Якоже пославши Олга к Древляном, и си­це глагола им: «аще мя право просите, то пришлите мужи нарочиты, да в велице чести пойду за ваш князь, понеже бо не пустять мене людье «ыевьстеи». Се слышавши Древляне, избраша лучыпии мужи нарочиты, иже держаша Деревъскую землю и послаша их по Олгу. Древляном же пришедшим к Кыеву к княгине Ольги, и прияше Олга в честь деревьскых муж, и повеле на них мовь створити: «измывшеся, приидете ко мне». Они же прежгоша избу, и влезоша Древляне мытся, и запроша избу о них, и повеле зажещи на них огнем от дверии, и ту съгореша вой. И пакы приложи к тому Олга послати к Древляном, сице глаголющи им: «се уже иду к вам; да пристроите ми меды многы у града, идеже убисте мужа моего, да поплачюся над грободо его, и створю тризну мужеви своему». И они же то слышавше, свезоша мед мног зело и извариша. А Олга же поимши мало дружины и легко идущи, прииде к гробу его, и плакася по мужи своем плачем велиим зело. А людей в время то повеле съсыпати могылу велику; и яко съсыпаша, и повеле трызну створити. И посем седоша пити Древляне; и повеле Олга отроком своим служити пред ними. И реша Древляне к Олзе: «где суть дружина наша, их же послахом по тебе». Она же рече: «идуть по мне с дружиною мужа моего». И яко упишася Древляне, и повеле отрокоад своим пити на не, а са­ма отъиде кроме и повеле дружине сечи Древляны; и исъсекоша их 5000. А Олга възратися в Киев, и при-строи вой на прок их.

Начало княженья Святославля. В лето 6454. Олга с сыном своим Святославом собра вой многы и храбры, иде на Деревъскую землю. Изидоша Древляне противу; и снемшимася обеима полкома на совокуп, и суну копь­ем Святослав на Древляны, и копие лете сквозе уши коневи, бе бо велми детеск. И рече Свенделд и Асмуд: «князь уже потягл; потягнем, дружино, и мы по князе». И победиша Древляны; и возложиша на них дань тяжку...

Новгородская первая летопись старшего и младшего изводов / Под ред. и с пре­дисловием А. Н. Насонова. М.—Л., 1950.

ЛИТЕРАТУРА

Кузьмин А. Г. Начальные этапы древнерусского летописания. М., 1977.

Лихачев Д. С. Русские летописи и их культурно-историческое значение. Л., 1947.

Приселков М. Д. История русского летописания XI—XV вв. Л., 1940.

Шахматов А. А. Разыскания о древнейших русских летописных сводах. СПб., 1908.

Шахматов А. А. Повесть временных лет. М., 1918, т. 1.

Черепнин Л. В. Повесть временных лет, ее редакции и пред­шествующие ей летописные своды.— Исторические записки, т 14 1945.

Киево-Печерский патерик / Под ред. Д. И. Абрамовича, Киев, 1931.

Повесть временных лет. Подгот. текста Д. С. Лихачева/Под ред. Н. П. Адриановой-Перетц. М.— Л., 1950, ч. I—II.