Другое абвяшчэнне ССРБ

12 ліпеня 1920г. прадстаўнікі РСФСР у Маскве падпісалі мірны дагавор з прадстаўнікамі літоўскага ўрада, якім прызнавалася незалежнасць Літвы ў этнаграфічных граніцах. Падпісанне Савецкім урадам дагавора з Літвой азначала спыненне існавання ЛітБел ССР. 31 ліпеня 1920г. у Мінску адбылося паўторнае абвяшчэнне незалежнай Савецкай Сацыялістычнай Рэспублікі Беларусь. 1 жніўня Дэкларацыя была абвешчана на вялікім гарадскім мітынгу, затым на мітынгам у паветах. Да склікання II Усебеларускага з’езда Саветаў уладу ў свае рукі ўзяў Беларускі рэвалюцыйны камітэт.

На II з’езде Саветаў, які адбыўся 13-17 снежня 1920г. у Мінску, былі прыняты дапаўненні да канстытуцыі БССР, у якіх вышэйшымі органамі ўлады абвяшчаліся з’езд Саветаў, а паміж з’ездамі – ЦВК ССРБ, выканаўчым органам – СНК ССРБ. Старшыней ЦВК і СНК ССРБ быў абраны Чарвякоў. З’езд ратыфікаваў Рыжскі прэлімінарны дагавор ад 12 кастрычніка 1920г. і пацвердзіў мандат ВРК ССРБ ураду РСФСР на права заключэння міру ад імя ССРБ.

18 сакавіка 1921г. быў падпісаны Рыжскі мірны дагавор. Заходняя граніца БССР з Польшчай праходзіла з поўначы на поўдзень: з паўдневага боку населенага пункта Ушачы, на ўсход ад Пасвілля на докшыцы, каля Радашковіч, Нясвіжа, заходней Чырвонай слабады, Старобіна, усходней Мікашэвіч, заходней Турава.