Девяти мученикам Кизическим

Глас 2

Тве́рдый и всесве́тлый лик му́ченик девяти́, Трисо́лнечнаго Божества́ испове́дницы, на суди́щи Тому́ нача́льно взыва́ху: кровь и ду́ши на́ша с телесы́, я́ко непоро́чную же́ртву, прино́сим Тебе́, Влады́ко, в ли́цех Небе́сных Твои́х сопричти́, я́ко Бог Ми́лостивый.

 

Преподобному Амфилохию Почаевскому

Глас 3

Я́ко ве́ры Правосла́вныя ревни́тель и благоче́стнаго жития́ учи́тель, в боле́знех и ско́рбех изря́дный помо́щник и защи́титель, пред Го́сподом предстои́ши преподо́бне Амфило́хие, сего́ ра́ди вопие́м ти́: сохрани́ оби́тель, в не́й же подвиза́лся еси́, и спаса́й на́с моли́твами твои́ми, о́тче блаже́нне..

 

Святителю Василию Острожскому

глас 8

Я́ко от младе́нства себе́ порабо́тив Го́сподеви, посто́м и бде́нием свое́ те́ло удруча́я, му́дре, сосу́д че́стен Ду́ху Пресвято́му яви́лся еси́, сего́ ра́ди поставля́ет тя па́стырем Своея́ Церкви́, ю́же до́бре пасл еси́. Те́мже ко Го́споду отхо́диши, Его́же возлюби́л еси́. Мо́лимся ти, помяни́ и нас, ве́рою чту́щих святу́ю па́мять твою́, да вси зове́м ти: ра́дуйся, всече́стне о́тче Васи́лие.

 

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь. Богородичен:

 

Кийждо, идеже спасается, тамо праведно и притекает, и кое иное таковое прибежище, яко Ты, Богородице, покрывающее души наша.

 

Го́споди, поми́луй (40).

 

И а́бие: Пресвята́я Владычице Богоро́дице, моли́ о нас, гре́шных (3 с поклонами).

 

Вся Небе́сныя Си́лы святы́х А́нгел и Арха́нгел, моли́те о нас, гре́шных (2 с поклонами).

 

Святы́й Иоа́нне, проро́че и Предте́че и Крести́телю Го́спода на́шего Иису́са Христа́, моли́ о нас, гре́шных (2 с поклонами).

 

Святи́и сла́внии апо́стол и, проро́цы и му́ченицы и вси святи́и, моли́те о нас, гре́шных (2 с поклонами).

 

Преподо́бнии и богоно́снии отцы на́ши, па́стырие и учи́телие вселе́нныя, моли́те о нас, гре́шных (2 с поклонами).

 

Непобеди́мая, и Непостижи́мая, и Боже́ственная Си́ло Честна́го и Животворя́щаго Креста́, не оста́ви нас, гре́шных (2 с поклонами).

 

Бо́же, очи́сти нас, гре́шных (2 с поклонами).

 

Бо́же, очи́сти нас, гре́шных, и поми́луй нас (1 с поклоном).

 

И по сем глаголи сице:

 

Молитвы дня

Спасителю

И́же на вся́кое вре́мя и на вся́кий час, на Небеси́ и на земли́, покланя́емый и сла́вимый, Христе́ Бо́же, Долготерпели́ве, Многоми́лостиве, Многоблагоутро́бне, И́же пра́ведныя любя́й и гре́шныя ми́луяй, И́же вся зовы́й ко спасе́нию обеща́ния ра́ди бу́дущих благ. Сам, Го́споди, приими́ и на́ша в час сей моли́твы и испра́ви живо́т наш к за́поведем Твои́м, ду́ши на́ша освяти́, телеса́ очи́сти, помышле́ния испра́ви, мы́сли очи́сти и изба́ви нас от вся́кия ско́рби, зол и боле́зней, огради́ нас святы́ми Твои́ми А́нгелы, да ополче́нием их соблюда́еми и наставля́еми, дости́гнем в соедине́ние ве́ры и в ра́зум непристу́пныя Твоея́ сла́вы, я́ко благослове́н еси́ во ве́ки веко́в, ами́нь.

 

Богородице

О Пресвятая Владычице моя Богородице, Ангелов и Архангелов, Херувимов, Серафимов Пречестнейшая и всех святых Пресвятейшая, Дево Мати Божия! Спаси мя, смиреннаго и грешнаго раба Твоего: Ты бо веси, Всемилостивая Госпоже, яко всю мою надежду по Бозе на Тя возлагаю, и несть ми инаго прибежища спасительнаго, токмо Ты, Всеблагая: Ты моя крепость, Владычице, Ты моя и сила. Ты мое радование в скорбех. Ты мое пристанище во искушениях. Ты мое исправление в падениях. Ты и спасение мое всенадежное, о Мати Зиждителя и Господа моего! Помози ми плавающему в пучине жития сего лютее обуреваемому и бедствующему от потопления греховнаго. Даждь ми руку помощи, Помощнице моя, и избави мя от тимения глубины, да не погрязну в бездне отчаяния: буря бо грехов и страстей возста на мя, и волны беззаконий погружают мя. Но Ты, Милосердная Мати, в пристанище безстрастия настави и спаси мя, безнадежных Надеждо и Ходатаице спасения моего. Аминь.

 

Архангелу Гавриилу

1.

О, святый великий архангеле Гаврииле, Божию Престолу предстояй и озарением от Божественного света осиянный, ведением же непостижимых тайн о превечней премудрости Его просвещенный! Всеусердно молю тя, настави мя к покаянию от злых дел и ко утверждению в вере моей, укрепи и огради душу мою от искушений прельстительных, и умоли Создателя нашего о отпущении грехов моих. О, святый великий Гаврииле архангеле! Не презри мене, грешнаго, молящагося тебе о помощи и заступлении твоем в веце сем и в будущем, но присно помощник мне явися, да непрестанно славлю Отца и Сына и Святаго Духа державу и твое предстательство во веки веков. Аминь.

 

2.

Святый Архангеле Гаврииле, радость неизреченную с Небес Пречистой Деве принесший, исполни радостию и веселием сердце мое, гордостью преогорченное. О, великий Архангеле Божий Гаврииле, ты еси благовестил Пречистой Деве Марии зачатие Сына Божия. Возвести и мне, грешному, страшный день моей смерти, и умоли Господа Бога за грешную мою душу, да простит Господь грехи мои, и да не удержат меня диаволи на мытарствах за грехи мои. О, великий Архангеле Гаврииле! Сохрани меня от всех бед и от тяжкой болезни, ныне и присно и во веки веков. Аминь.

 

* * *

О, многоочитые Херувимы, воззрите на безумие мое, исправьте ум, обновите смысл души моей, да снизойдет на меня, недостойного, премудрость небесная, дабы не согрешать словом, дабы обуздать язык свой, чтобы каждое деяние было направлено к славе Небесного Отца.

 

Ангелу-Хранителю

1.

Ангеле Христов святый, к тебе припадая молюся, хранителю мой святый, преданный мне на соблюдение души и телу моему грешному от святого крещения, аз же своею леностию и своим злым обычаем прогневах твою препричистую светлость и отгнах тя от себе всеми студными делы: лжами, клеветами, завистию, осуждением, презорством, непокорством, братоненавидением и злопомнением, сребролюбием, прелюбодеянием, яростию, скупостию, объядением без сытости и опивством, многоглаголанием, злыми помыслы и лукавыми, гордым обычаем и блудным взбешением, имый самохотение на всякое плотское вожделение, о злое мое произволение, его же и скоти безсловеснии не творят! Да како возможеши возрети на мя, или приступити ко мне, аки ко псу смердящему? Которыма очима, Ангеле Христов, воззриши на мя, оплетшася зле во гнусных делах? Да како уже возмогу отпущения просити горьким и злым моим и лукавым деяниям, в няже впадаю по вся дни и нощи и на всяк час? Но молюся ти припадая, храните-лю мой святый, умилосердися на мя грешнаго и недостойного (имярек), во вся дни и нощи и на всяк час буди ми помощник и заступник на злаго моего сопротивника, святыми твоими молитвами, и Царствия Божия причастника мя сотвори со всеми святыми, всегда, и ныне, и присно, и во веки веков. Аминь.

 

2.

Ангел Хранитель! Одушеви сердце мое тем Божественным жаром, который воспламенял святых мужей, переносивших все муки и страдания и даже самую смерть с радостию. Для сего, о, святой Ангел мой, напоминай мне непрестанно о вечности. Напоминание о вечности есть истинная мудрость, выше всякой человеческой мудрости. Оно возбуждает святые желания, просвещает ум и укрепляет душевную бодрость. Но враг препятствует ему проникнуть в мою душу; а когда оно проникло в нее, враг старается помрачить его. Ангел Божий! Благоволи, чтобы мысль о вечности всегда занимала ум мой; тогда удовольствия и сокровища сего мира не будут прельщать меня: я предпочту им скорби и искушения, освящающие и укрепляющие душу благодатною силою. Я изберу жизнь смиренную, удаленную от сует мира, где в безмолвии будут предметом размышлений моих лета вечная. Здесь я потреблю все минуты краткого бытия моего на то, чтобы стяжать те богатства, которыми, вместе с тобою, буду наслаждаться в продолжение всей вечности.