2020-06-08
171
Припев: Госпо́дь Бо́г мо́й Си́ла моя́, и учини́т но́зе мои́ на совеpше́ние.
Тропарь: А́ще месси́и подоба́ет приити́, / Месси́а же Христо́с есть, беззако́ннии, что не ве́руете Ему́? / Се прии́де и свиде́тельствует, я́же Той твори́т: / во́ду вино́ сотвори́, разсла́бленнаго сло́вом стягну́.
Припев: И на высо́кая возво́дит мя́, победи́ти ми в пе́сни Его́.
Тропарь: Не разуме́юще писа́ний, прельща́етеся вси вы, евре́и беззако́ннии, / вои́стинну бо прии́де Христо́с, и всех просвети́, / и в вас показа́ мно́гая зна́мения и чудеса́, / и всу́е отрица́етеся и́стиннаго живота́.
Сла́ва Отцу́, и Сы́ну, и Свято́му Ду́ху.
Троичен: Т ро́ице неразде́льная Еди́нице, / безнача́льне О́тче, Сы́не и Ду́ше Святы́й, / во Еди́нице Тро́ица равноче́стная, сопресто́льная, животворя́щая, / несозда́нный Бо́же, спаса́й воспева́ющия Тя, / и изба́ви от бед и скорбе́й.
И ны́не и при́сно, и во ве́ки веко́в. Ами́нь.
Богородичен: В о чре́ве Твое́м Бо́га неопи́санно вмести́вшая, / Богоневе́сто, Де́во Ма́ти Чи́стая, / не преста́й моля́щи о нас, я́ко да Тобо́ю изба́вимся от обстоя́ний, / к Тебе́ бо при́сно прибега́ем.
Катава́сия Преполовения, глас 8:
Хор: Проро́к Авваку́м у́мныма очи́ма / прови́де, Го́споди, прише́ствие Твое́, / тем и вопия́ше: от ю́га прии́дет Бог. / Сла́ва си́ле Твое́й,/ сла́ва снизхожде́нию Твоему́.
Песнь 5:
1-й канон Преполовения, глас 4-й, со ирмосом на 6 (ирмосы по дважды)
Ирмос: Ты, Го́споди мой, Свет в мир прише́л еси́. / Свет Святы́й, обраща́яй из мра́чна неве́дения, / ве́рою воспева́ющих Тя. (Дважды)
Припев: От но́щи у́тpенюет ду́х мо́й к Тебе́, Бо́же, зане́ све́т повеле́ния Твоя́ на земли́.
Тропарь: Боже́ственных пра́здников преполове́ния дости́гше, / соверше́нное боже́ственною доброде́телию обучи́тися потщи́мся, богому́дрии.
Припев: Пpа́вде научи́теся живу́щии на земли́.
Тропарь: Боже́ственных пра́здников преполове́ния дости́гше, / соверше́нное боже́ственною доброде́телию обучи́тися потщи́мся, богому́дрии.
Припев: Да во́зьмется нечести́вый, да не ви́дит сла́вы Госпо́дни. Го́споди, высока́ Твоя́ мы́шца, и не ве́деша, разуме́вше же постыдя́тся.
Тропарь: Я́ко вои́стинну свяще́нное настоя́щее торжество́, преполове́ние, / превели́ких бо пра́здников ко́рень и све́тится обою́ду.
Припев: За́висть прии́мет лю́ди ненака́занныя, и ны́не о́гнь супоста́ты поя́ст.
Богородичен: Ум арха́нгельский не мо́жет разуме́ти / Твое́ неизрече́нное из Де́вы и пречи́стое рождество́, Спа́се Многоми́лостиве.
Канон святителя, глас 8, на 4.
Ирмос: Вску́ю мя отри́нул еси́/ от лица́ Твоего́, Све́те Незаходи́мый,/ и покры́ла мя есть чужда́я тьма, окая́ннаго,/ но обрати́ мя и к све́ту за́поведей Твои́х/ пути́ моя́ напра́ви, молю́ся
Припев: Пpиложи́ и́м зла́, Го́споди, пpиложи́ зла́ сла́вным земли́.
Тропарь: П ла́чем и покая́нием непреста́нным ду́шу твою́ снабдева́я, о́тче Игна́тие,/ де́латель моли́твы яви́лся еси́, сию́ от во́зраста младе́нческаго возлюби́в,/ и в основа́ние жи́зни духо́вныя положи́л еси́.
Припев: Го́споди, в ско́pби помяну́хом Тя́, в ско́pби мале́ наказа́ние Твое́ на́м.
Тропарь: М оли́твою усе́рдною житие́ твое́ от ю́ности укрепля́я,/ да́же до кончи́ны по́двиг твой моли́твенный ко Христу́ Бо́гу соблюда́л еси́,/ и́мже о Бо́зе Спа́се утвержда́яся.
Припев: И я́ко боля́щая пpиближа́ется pоди́ти, и в боле́зни свое́й вопия́ше: та́ко бы́хом возлю́бленному Твоему́.
Тропарь: В во́зраст му́жеский прише́д, мона́хов нача́льник быв и многообра́зныя ско́рби испыту́я,/ в моли́тве тве́рдей и непреста́нней со мно́гими слеза́ми/ осла́бу и отра́ду и́стинную почерпа́л еси́, о́тче всеблаже́нне.
Припев: Hе паде́м, но паду́т живу́щии на земли́.
Богоро́дичен: Д е́во Пречи́стая, Ма́ти Христа́ Бо́га,/ вене́ц моли́твы неусыпа́ющия,/ о нас, гре́шных, мольбу́ Бо́гу принеси́/ и моле́нием Твои́м от напа́стей и скорбе́й нас изба́ви.
