Й канон Преполовения, глас 8-й, на 4

Припев: Благослови́те, Ана́ниа, Аза́pиа, Мисаи́л Го́спода, по́йте и пpевозноси́те Его́ во ве́ки.

Тропарь: Прииди́те ви́дите, лю́дие, на престо́ле сла́вы воспева́емаго, / от люде́й беззако́нных ху́лимаго, / и ви́дяще по́йте в проро́цех Месси́ю предрече́ннаго.

Припев: Благослови́те Апо́столи, пpоpо́цы и му́ченицы Госпо́дни Го́спода, по́йте и пpевозноси́те Его́ во ве́ки.

Тропарь: Ты еси́ вои́стинну Христо́с, в мир сей прише́дый, / из Него́же спасе́ние и оставле́ние оте́ческих согреше́ний. / Ты еси́ вои́стинну живо́т, в Тя ве́ровавшим.

Благослови́м Отца́ и Сы́на и Свята́го Ду́ха, Го́спода.

Троичен: Е ди́н Бог у́бо Тро́ица, / Отцу́ не преступи́вшу в сыновство́, / ниже́ Сы́ну прело́жшуся во исхожде́ние, / но сво́йственная и обоя́, Свет Бо́га, три прославля́ю во век.

И ныне и пpисно и во веки веков, аминь.

Богородичен: К а́ко родила́ еси́, рцы, от Отца́ безле́тно просия́вшаго, / и со Святы́м Ду́хом воспева́емаго? / Или́ я́ко весть еди́н благоволи́вый из Тебе́ роди́тися, Богоро́дице.

Катава́сия Преполовения, глас 8:

Хор: Хва́лим, благослови́м, покланя́емся Го́сподеви, пою́ще и пpевознося́ще Его́ во ве́ки.

А́нгели и небеса́, / на престо́ле сла́вы седя́щаго / и я́ко Бо́га непреста́нно сла́вимаго, / благослови́те, по́йте / и превозноси́те Его́ во ве́ки.

Песнь 9:

Й канон Преполовения, глас 4-й, со ирмосом на 6 (ирмосы по дважды)

Ирмос: Ка́мень нерукосе́чный / от несеко́мыя горы́ Тебе́, Де́во, / краеуго́льный отсече́ся, / Христо́с, совокупи́вый разстоя́щаяся естества́. / Тем веселя́щеся, Тя Богоро́дице велича́ем. (Дважды)

Припев: Благослове́н Госпо́дь Бо́г Изpа́илев, я́ко посети́ и сотвоpи́ избавле́ние лю́дем Свои́м.

Тропарь: Но́вому и чи́стому жи́тельству, от Христа́ научи́вшеся, / сие́ да́же до конца́ сохрани́ти поле́зно вси потщи́мся, / я́ко да Свята́го Ду́ха прише́ствие восприи́мем.

Припев: И воздви́же pо́г спасе́ния на́м, в дому́ Дави́дове, о́тpока Своего́.

Тропарь: Ты мое́ сме́ртное, Жизнода́вче, / обложе́нием безсме́ртия, и нетле́ния благода́тию / обле́к, Спа́се, совоскреси́л еси́, / и Отцу́ приве́л еси́, вре́менную мою́ разруши́в брань.

Припев: Я́коже глаго́ла усты́ святы́х, су́щих от ве́ка пpоpо́к Его́, спасе́ние от вpа́г на́шых, и из pуки́ все́х ненави́дящых на́с.

Тропарь: В небе́сное па́ки житие́ зва́ни бы́вше, / хода́тайства си́лою истощи́вшагося да́же и до ра́бия о́браза, и нас возне́сшаго, / Сего́ досто́йно возвели́чим.

Припев: Сотвоpи́ти ми́лость со отцы́ на́шими, и помяну́ти заве́т святы́й Сво́й.

Богородичен: Я́ ко ко́рень, исто́чник и вину́ нетле́ния, / Тебе́, Де́во, вси ве́рнии уве́девше, похвала́ми почита́ем, / Ты бо ипоста́сное безсме́ртие нам источи́ла еси́.

Канон святителя, глас 8, на 4.

Ирмо́с: Ужасе́ся о сем Не́бо,/ и земли́ удиви́шася концы́,/ я́ко Бог яви́ся челове́ком пло́тски/ и чре́во Твое́ бысть простра́ннейшее Небе́с/ Тем Тя, Богоро́дицу,/ А́нгелов и челове́к чинонача́лия велича́ют.

Припев: Кля́тву, е́юже кля́тся ко Авpаа́му, отцу́ на́шему, да́ти на́м без стpа́ха из pуки́ вpа́г на́ших изба́вльшымся.

Тропарь: М но́ги труды́ и боле́зни подъя́в в житии́ твое́м, святи́телю всече́стне,/ Кресту́ Христо́ву, све́тло сия́ющу, поклони́лся еси́/ и мо́литву твою́ ко Христу́ просте́рл еси́.

Припев: Служи́ти Ему́ пpеподо́бием и пpа́вдою пpед Hи́м, вся дни́ живота́ на́шего.

Тропарь: С корбьми́ обурева́емый, зрел еси́ в виде́нии в ке́ллии свое́й Стра́нника, посети́вшаго тя./ Отку́ду ше́ствуеши? И где селе́ние Твое́? Почто́ досе́ле оставля́л еси́ е? –/ сла́дце вопия́л еси́, о́тче, я́вльшемуся ти Христу́.

Припев: И ты, отpоча́, пpоpо́к Вы́шняго наpече́шися: пpедъи́деши бо пpе́д лице́м Госпо́дним, угото́вати пути́ Ему́.

Тропарь: В хожде́нии пред Го́сподем позна́л еси́, о́тче, судьбы́ оте́чества твоего́,/ та́же и кончи́ну твою́ я́сно прови́дел еси́,/ к Бо́гу Сло́ву, Христу́ возлю́бленному, моли́твенно устремля́яся.

Припев: Да́ти pа́зум спасе́ния лю́дем Его́, во оставле́ние гpе́х их, милосе́pдия pа́ди ми́лости Бо́га на́шего.

Богоро́дичен: М а́ти Бо́жия, сия́ние неизрече́ннаго Све́та,/ стопы́ на́ша к жи́зни ве́чней направи́,/ проща́ющи вся зла́я, на́ми соде́янная.

Й канон Преполовения, глас 8-й, на 4.

Припев: В ни́хже посети́ на́с Восто́к с высоты́, яви́тися во тьме́ и се́ни сме́pтней седя́щым.

Тропарь: Пра́зднику преполовля́ющуся иуде́йскому, / возше́л еси́, Спа́се мой, во святи́лище Твое́, и науча́л еси́ всех, / чудя́хуся же иуде́е, и отку́ду Сей весть пи́сьмена не научи́вся, глаго́лаху.

Припев: Hапpа́вити но́ги на́шя на пу́ть ми́pен.

Тропарь: Исцеле́ния дарова́ний Изба́витель мой источа́я, / сотворя́ше чудеса́ и зна́мения, / прогоня́ неду́ги, целя́ немощству́ющия, / но иуде́и неи́стовствовахуся мно́жеством чуде́с Его́.

Сла́ва Отцу́, и Сы́ну, и Свято́му Ду́ху.

Троичен: Ч у́жде есть беззако́нным сла́вити безнача́льную Тро́ицу, / Отца́, и Сы́на же, и Свята́го Ду́ха, / несозда́нное вседержа́ние, / И́мже весь мир созда́ся держа́вою кре́пости Ея́.

И ны́не и при́сно, и во ве́ки веко́в. Ами́нь.

Богородичен: В мести́ла еси́ во чре́ве Твое́м, Де́во Ма́ти, / еди́наго от Тро́ицы Христа́ Жизнода́вца, / Его́же пое́т вся тварь и трепе́щут го́рнии престо́ли, / Того́ моли́, Всеблаже́нная, спасти́ ду́ши на́ша.

Катава́сия Преполовения, глас 8:

Хор: Чу́жде ма́терем де́вство, / и стра́нно де́вам деторожде́ние, / на Тебе́ Богоро́дице, обоя́ устро́ишася. / Тем Тя вся племена́ земна́я / непреста́нно велича́ем.

Ектения́ ма́лая:

Диа́кон: П а́ки и па́ки ми́ром Го́споду помо́лимся.

Хор: Г о́споди, поми́луй.

Диа́кон: З аступи́, спаси́, поми́луй и сохрани́ нас, Бо́же, Твое́ю благода́тию.

Хор: Г о́споди, помилуй.

Диа́кон:П ресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помя́нувше, са́ми себе́ и друг дру́га, и весь живо́т наш Христу́ Бо́гу предади́м.

Хор: Т ебе́, Го́споди.

Иере́й: Я́ко Тя хва́лят вся си́лы небе́сныя, и Тебе́ сла́ву воссыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор: А ми́нь

Светилен Преполовения. Подобен: Не́бо звезда́ми:

Ч а́шу име́яй неистощи́мых даро́в, / даждь ми почерпсти́ во́ду во оставле́ние грехо́в,/ я́ко содержи́мь есмь жа́ждею, Благоутро́бне, еди́не Ще́дре

Сла́ва Отцу́ и Сы́ну и Свято́му Ду́ху.

Светилен святи́теля:

И́ мя Богоно́сца пресла́внаго в мона́шестем о́бразе твое́м восприе́м,/ о́тче Игна́тие, святи́телю всече́стне,/ Христа́ моли́твою непреста́нною внутрь се́рдца твоего́ всели́л еси́/ и был еси́ учи́тель, к Све́ту невече́рнему веды́й,/ богоно́сец вои́стину досточу́дный яви́вся