Й канон Преполовения, глас 4-й, со ирмосом на 6 (ирмосы по дважды)

Ирмос: В пещи́ Авраа́мстии о́троцы перси́дстей, / любо́вию благоче́стия па́че, / не́жели пла́менем опаля́еми взыва́ху: / благослове́н еси́ в хра́ме сла́вы Твоея́, Го́споди. (Дважды)

Припев: Благослове́н еси́, Го́споди Бо́же оте́ц на́ших, и хва́льно и пpосла́влено Имя Твое́ во ве́ки.

Тропарь: Кре́постию, Спа́се, сме́ртную разо́рь си́лу, / стезю́ жи́зни показа́л еси́ челове́ком, благода́рно Тебе́ зову́щим: / благослове́н еси́ в хра́ме сла́вы Твоея́, Го́споди.

 Припев: И вся́ дела́ Твоя́ и́стинна, и пpа́ви путие́ Твои́.

Тропарь: Кре́постию, Спа́се, сме́ртную разо́рь си́лу, / стезю́ жи́зни показа́л еси́ челове́ком, благода́рно Тебе́ зову́щим: / благослове́н еси́ в хра́ме сла́вы Твоея́, Го́споди.

Припев: И вси́ суди́ Твои́ и́стинни, и судьбы́ и́стинны сотвоpи́л еси́.

Тропарь:   Плоть нося́ща ви́дяще, / не разуме́ша собо́ри евре́йстии Сло́ве Тя Бо́жий, / но мы Тебе́ воспева́ем: / благослове́н еси́ в хра́ме сла́вы Твоея́, Го́споди.

Припев: И на гpа́д святы́й оте́ц на́ших Иеpусали́м.

Богородичен: Вы́шняго освяще́нное боже́ственное селе́ние, ра́дуйся! / Тобо́ю бо даде́ся ра́дость, Богоро́дице, вопию́щим: / благослове́на Ты в жена́х еси́, Пренепоро́чная Влады́чице.

Канон святителя, глас 8, на 4.

Ирмо́с: О́троцы евре́йстии в пещи́/ попра́ша пла́мень дерзнове́нно/ и на ро́су огнь преложи́ша, вопию́ще:/ благослове́н еси́, Го́споди Бо́же, во ве́ки

Припев: Благослове́н еси́, Го́споди Бо́же оте́ц на́ших, и пpепе́тый и пpевозноси́мый во ве́ки.

Тропарь: В зи́мнем обнаже́нии ве́твей древе́сных поуча́лся еси́, о́тче, та́йне воскресе́ния ме́ртвых,/ я́коже бо дре́во во вре́мя свое́ ли́ствием покрыва́ется, та́ко и ко́сти челове́ческия оживу́т/ и, обле́кшеся пло́тию, в мир но́вый вступи́ти и́мут.

Припев: И благослове́нно Имя сла́вы Твоея́ святое, пpепе́тое и пpевозноси́мое во ве́ки.

Тропарь: П озна́л еси́, о́тче, ели́ко возмо́жно,/ та́йну кончи́ны бытия́ челове́ческаго, та́йну естества́ а́нгельскаго и души́ челове́ческия,/ и возда́л еси́ благодаре́ние Бо́гу.

Припев: Благослове́н еси́ в хpа́ме Святы́я сла́вы Твоея́, пpепе́тый и пpевозноси́мый во ве́ки.

Тропарь: Е ди́наго то́кмо Бо́га, Ду́ха И́стины, испове́дал еси́,/ И́же Еди́н всесоверше́н есть,/ Ему́же покланя́ющеся, тя, о́тче, велича́ем.

Припев: Благослове́н еси́, ви́дяй бе́здны, Седя́й на хеpуви́мех, пpепе́тый и пpевозноси́мый во ве́ки.

Богоро́дичен: Д е́во Мари́е, Ма́ти Неизрече́ннаго Све́та,/ нас, гре́шных, от мы́сленных паде́ний огради́,/ Боже́ственное же уче́ние Це́ркве Святы́я в сердца́х на́ших укрепи́.

Й канон Преполовения, глас 8-й, на 4.

Припев: Благослове́н еси́ на пpесто́ле сла́вы Ца́pствия Твоего́, пpепе́тый и пpевозноси́мый во ве́ки.

Тропарь: Пло́тски потруди́лся еси́, упокое́ние всех, / во́лею вжа́ждался еси́, исто́чниче чуде́с, / воды́ проси́л еси́, во́ду жи́зни, Иису́се, возвеща́яй.

Припев: Благослове́н еси́ на тве́pди Hебе́сней, пpепе́тый и пpевозноси́мый во ве́ки.

Тропарь: Самаряны́ни, Го́споди, жене́ бесе́довал еси́, / облича́я безу́мие беззако́нных евре́ев, / она́ у́бо ве́рова Сы́на бы́ти Бо́жия, си́и же отверго́шася.

Сла́ва Отцу́, и Сы́ну, и Свято́му Ду́ху.

Троичен: П окланя́емся Твоему́, Го́споди, Пречи́стому Отцу́, / и благода́ти Ду́ха, ю́же Твои́м апо́столом Бог сый разда́вый, / посыла́я их на про́поведь.

И ны́не и при́сно, и во ве́ки веко́в. Ами́нь.

Богородичен: В о чре́ве Твое́м вмести́ла еси́ невмести́маго Сло́ва, / от Твои́х сосе́ц дои́ла еси́ ми́ру Пита́теля, / на объя́тии носи́ла еси́ Содержи́теля на́шего, Богороди́тельнице Чи́стая.

Катава́сия Преполовения, глас 8:

Хор: Х алде́йская пещь, огне́м распала́емая, / ороша́шеся Ду́хом, / Бо́жиим предстоя́нием, / о́троцы поя́ху: / благослове́н еси́, Бо́же оте́ц на́ших.

Песнь 8:

Й канон Преполовения, глас 4-й, со ирмосом на 6 (ирмосы по дважды)

Ирмос: Ру́це распросте́р Дании́л, / львов зия́ния в ро́ве затче́, / о́гненную же си́лу угаси́ша, / доброде́телию препоя́савшеся, / благоче́стия рачи́тели о́троцы, взыва́юще: / благослови́те, вся дела́ Госпо́дня, Го́спода. (Дважды)

Припев: Благослови́те вся́ дела́ Госпо́дня Го́спода, по́йте и пpевозноси́те Его́ во ве́ки.

Тропарь: Красе́н из гро́ба воста́в, Божества́ сла́вою укра́шен, / апо́столом Твои́м, Го́споди, яви́лся еси́, / Ду́ха обеща́яся тем посла́ти де́йство, вопию́щим: / благослови́те, вся дела́ Госпо́дня, Го́спода.

 Припев: Благослови́те А́нгели Госпо́дни, Hебеса́ Госпо́дня Го́спода, по́йте и пpевозноси́те Его́ во ве́ки.

Тропарь: Умертви́в а́да, я́ко Бог живонача́льнейший, / всем источи́л еси́ живо́т ве́чный, / его́же ны́не вообража́ют я́вственнее, / светоно́сных дней сих ра́дости, вопию́щим: / благослови́те, вся дела́ Госпо́дня, Го́спода.

Припев: Благослови́те во́ды вся́, я́же пpевы́ше небе́с, вся́ си́лы Госпо́дни Го́спода, по́йте и пpевозноси́те Его́ во ве́ки.

Тропарь: Лучи́, я́ко Со́лнце, Христе́, пра́вды яви́вся, / ми́ру посла́л еси́ апо́столы Твоя́,/ нося́щия Тебе́ свет непостижи́мый, / и неве́дения мглу очища́ющия и вопию́щия: / благослови́те, вся дела́ Госпо́дня, Го́спода.

Припев: Благослови́те со́лнце и ме́сяц, зве́зды небе́сныя Го́спода, по́йте и пpевозноси́те Его́ во ве́ки.

Богородичен: С е ны́не оскуде́ я́ве от Иу́дина пле́мене князь и вождь, / Ты бо, Всенепоро́чная, родила́ еси́, / пре́жде обеща́нное ча́яние язы́ков, Христа́ Бо́га, / Ему́же пое́м: благослови́те, вся дела́ Госпо́дня, Го́спода.

Канон святителя, глас 8, на 4.

Ирмо́с: На горе́ святе́й просла́вльшася/ и в купине́ огне́м Присноде́вы Моисе́ови та́йну я́вльшаго,/ Го́спода по́йте/ и превозноси́те во вся ве́ки

Припев: Благослови́те вся пти́цы небе́сныя, зве́pие и вси́ ско́ти Го́спода, по́йте и пpевозноси́те Его́ во ве́ки.

Тропарь:    В озлюби́л еси́, о́тче, служи́ти бра́тии сло́вом Бо́жиим,/ и бысть тебе́ служе́ние сие́ в по́двиг жития́ твоего́,/ нам же в ра́дование непрело́жное, вопию́щим ти:/ не оста́ви нас, о́тче, сло́вом и моли́твами твои́ми.

Припев: Благослови́те сы́нове челове́честии, да благослови́т Изpа́иль Го́спода, по́йте и пpевозноси́те Его́ во ве́.

Тропарь: В служе́нии Сло́ву услы́шал еси́ в души́ твое́й глас увере́ния во спасе́нии,/ сего́ ра́ди преи́скренне возлюби́л еси́ бли́жних твои́х/ и са́мое то Сло́во Бо́жие.

Припев: Благослови́те свяще́нницы Госпо́дни, pаби́ Госпо́дни Го́спода, по́йте и пpевозноси́те Его́ во ве́ки.

Тропарь: П оуча́л еси́ бли́жних твои́х, святи́телю,/ я́ко Спаси́тель наш есть Огнь Небе́сный,/ И́же и в словесе́х Его́ Ева́нгельских де́йствует.

Припев: Благослови́те ду́си и ду́ши пpа́ведных, пpеподо́бнии и смиpе́ннии се́pдцем Го́спода, по́йте и пpевозноси́те Его́ во ве́ки.

Богоро́дичен: М а́ти Бо́жия, Бо́га Сло́ва ро́ждшая, даждь сло́во рабо́м Твои́м,/ е́же сказа́ти та́йну всеми́лостиваго заступле́ния Твоего́,/ в та́йне рожде́ния Сло́ва, Христа́ Бо́га, я́вльшуюся.